"Azərsu" ASC-nin mətbuat xidməti sorğunun qalibi olmuşdur
Jurnalistlərin Müsahibə Klubunun Facebook sosial şəbəkəsində dövlət şirkətləri və səhmdar cəmiyyətlərinin mətbuat xidmətlərinin fəaliyyəti ilə bağlı keçirdiyi sorğu başa çatmışdır. Sorğuda müvafiq qurumların mətbuat xidməti rəhbərlərinin 2013-cü ildəki fəaliyyəti qiymətləndirilmişdir. Sorğunun nəticələrinə görə dövlət şirkətləri və səhmdar cəmiyyətlərin mətbuat xidmətlərinin rəhbərləri arasında “Azərsu” ASC-nin İctimaiyyətlə əlaqələr departamentinin rəisi Anar Cəbrayıllı daha çox səs toplayaraq birinci yeri tutmuşdur. Sonrakı yerləri “Azəriqaz” İstehsalat Birliyi və “Azəristiliktəchizat” ASC-nin mətbuat xidmətləri tutmuşdur.
Qeyd edək ki, Jurnalistlərin Müsahibə Klubu Facebook qrupunun mətbuat nümayəndələrindən ibarət 200 üzvü var.
