Facebook Twitter Instagram Youtube Google+
   
“Elektron müraciət” elektron xidməti istifadəyə verilmişdir
Tarix: 2017-08-11

         

 “Azərsu” ASC-nin daha bir elektron xidməti istifadəyə verilib. Nəqliyyat, Rabitə və Yüksək Texnologiyalar Nazirliyi Məlumat Hesablama Mərkəzinin operatoru olduğu “Elektron hökumət” portalına Səhmdar Cəmiyyəti “Elektron müraciət” adlı yeni elektron xidməti inteqrasiya olunub. Bu xidmət vasitəsi ilə fiziki və hüquqi şəxslər müraciətlərini (ərizə və şikayət) bundan sonra elektron formada göndərə bilərlər.

Xidmətdən istifadə etmək üçün portala autentifikasiya vasitələrindən biri ilə daxil olmaq və əsas səhifədə “Bütün xidmətlər” bölməsini seçmək lazımdır.  Daha sonra “Azərsu” Açıq Səhmdar Cəmiyyətinin təqdim olunan xidmətləri arasından “Elektron müraciət”  xidməti seçilir.

Açılan səhifədə “Su kanal idarələri”, yaxud “İdarəetmə aparatı” olaraq müraciət edilən təşkilatı, həmçinin müraciət edilən səlahiyyətli şəxs və ya müraciət edilən struktur vahidini seçib “Müraciət et” düyməsinə sıxılmalıdır.

Növbəti səhifədə ad, soyad, ata adı, FİN kod və ünvan, telefon nömrəsi, poçt ünvanı, ərizə və ya şikayət olmaqla müraciətin növü və müraciət etmə səbəbi göstərilir.. Müraciətlə əlaqəli sənədlərin təqdim edilməsinə zərurət yarandıqda  “Fayl əlavə edin” bölməsindən sənədləri sistemə yükləmək lazımdır. Bundan sonra “Müraciət et” düyməsini aktivləşdirməklə müraciətinizi göndərmiş sayılacaqdır.

Göndərilmiş müraciətin qeydiyyata alınması və nömrəsi barədə bildiriş ekranda görünür. Qeydiyyata alınmış  müraciət “Azərsu” ASC-nin müvafiq struktur vahidinə icraya yönləndirilir. Müraciətin nəticəsi haqda məlumat isə vətəndaşın anketdə qeyd etdiyi elektron poçt ünvanına göndərilir.

Qeyd edək ki, “Azərsu” ASC-nin “Elektron hökumət” portalına inteqrasiya edilən xidmətlərinin sayı 10-a çatdırılıb.

 

   
   
Sorğu
Elektron xidmətlərimizdən istifadə edirsinizmi?
Bəli Xeyr Məlumatım yoxdur